Nàchi Willem, konsehero di Union Sindikal Boneriano, USIBO
Sindikalismo na Boneiru parti 11, 20 mart 2023
Elekshon a pasa, pueblo a papia i pronto nos lo tin un Konseho Insular nabo i un
gobernashon pa Boneiru ku por konta ku sosten di un mayoria den Konseho Insular.
Sindikalismo ta felisitá e pueblo boneriano ku e manera sivilisá i desente ku nan a hasi
uso di nan derecho sagrado di voto. 1 sindikalismo ta manda un pabien na tur esnan ku
a saka asiento den Konseho Insular i ta spera ku nan a komprondé e mensahe kla ku
pueblo a manda. Pa e dos partidonan ku no a saka asiento, boso lo mester sigui traha
mas duru pa haiia e sosten den e próksimo biaha. Esei solamente ta posibel dor di sigui
laga boso mensahe resoná henter aiia i no warda te ora elekshon yega.
Pa loke ta e Konseho Insular i Kolegio Ehekutivo nabo ku lo bai sinta, Sindikalismo, sigur
esnan reuní den USIBO ta pane e siguiente prioridatnan pa realisá, naturalmente
teniendo kuenta ku e tempu nesesario ku mester pa prepará i ehekutá. E prioridatnan aki
a bin dilanti den tur programa, pero tambe den diferente debatenan. Pues mester realisá
nan pa asina nos krea konfiansa di komunidat den politika i den gobemashon. Ta
temanan ku ta na bienestar di e klase trahadó i su famia.
Tur partido a konfirmá ku entrante 1 di yanüari 2024 mester stipulá e mínimo sosial real
ku ta enserá korekshon di e inflashon for di 2018 te ku 2022. Ku esaki kobradónan di
ànderstant i kobradónan di penshun di behes por fin lo tin un entrada mínimo ku lo kubri
nan gastunan mensual básiko. 1 unabes stipulá e minimo sosial, mesora nos a haiia e
instrumento pa stipulá e sueldo minimo i esei lo ta 130°/o di e mínimo sosial. Ku esaki
Sindikalismo a logra otro di su metanan, esta ku trabou mester paga. Ta e pago husto
entre otro ta hasi trabou atraktivo.
Mas aleu den tantu e programanan di kada partido, pero tambe den tur e debatenan, e
partidonan a konfirmá ku nan lo bai na realisá den e siguiente período di gobernashon e
siguiente puntonan.
Lo bin ku un sistema di supsidio di hür pa tantu e sektor sosial komo e sektor privá ku ta
hasi posibel ku e hürdó di kas ku entrada abou por biba den un kas desente i pagabel i
alabes lo evaluá e sistema di puntuashon pa balorá hür di kas. Lo mester aselerá
konstrukshon di kasnan sosial pagabel.
Lo stipulá un maneho di establesimentu, den kual ku un hende por bin establesé su mes
aki solamente si e tin un relashon sosial àf ekonómiko. Esaki lo baha e preshon riba tur
provishonnan nesesario.
Lo perkurá pa un transporte públiko ku ta funshoná bon. Esaki lo por eleiminá e pobresa
den mobilidat serka e poblashon.
Lo perkurá pa kosto di awa i koriente ta baha. Den esaki e proyekto di WEB àf kualkier
otro proyekto ku ta realisá e bahamentu di gastu aki meresé tur sosten.
Lo buska tur forma pa hasi importashon di produktonan mas barata.
Ku eksepshon di e minimo sosial i sueldo mínimo, tur e medidanan aki ta den man di
Entidat Públiko i lo tin e efekto di baha gastu. Mas nos logra baha e gastu mas abou e
mínimo sosial lo ta i kuné e sueldo minimo ku nos lo mester entrodusí lo keda pagabel i
ta kompetitivo. Lo tin mas medida ku gobiérnu di Boneiru mes lo por tuma pa nos sigui
den nos esfuerso pa alsa kalidat di bida di turnos hendenan i mui en espeshal di e klase
trahadó i su famia. Sindikalismo tantu riba su mes, pero tambe den konteksto di e Dialogo
Sentral ta konsiderá komo su deber pa tene nos gobernantenan i nos representantenan
na nan kompromiso ku nan a hasi durante kampana pa elekshon.
-