Nàchi Willem, konsehero di Union Sindikal Boneriano, USIBO
Sindikalismo na Boneiru parti 20, 29 mei 2023
Sindikalismo, sigur USIBO a asumí su ràl di sali na interes di e gruponan mas vulnerabel
den nos komunidat ku e meta pa kontribuí na un desaroyo sosial ekonómiko balansá
kaminda ta reparti e prosperidat den un forma hustu di moda ku ta garantisá un kalidat di
bida digno i humano pa un i tur sin hasi ningun distinshon. E atenshon ku a pone riba e
situashon inakseptabel di pobresa riba e tres islanan Boneiru, Saba i Statia a move tur e
piesanan tantu aki komo na Ulanda pa realisá ku loke a manifestá djabiêrnê dia 12 ta
algu serio i ku esnan responsabel mester tuma e mensahe aki hopi na serio. Un pueblo
ku realisá kiko ta su derecho ta un pueblo determiná pa logra ku ta kumpli ku loke ta pará
den nos lei. 40 afia pasá a ankra e derecho aki den konstitushon ulandes ku for di 2017
ta nos konstitushon tambe di moda ku tur hende sa ku e yudansa na esnan ku no por
perkurá pa nan mes no ta un obra di karidat, sino un derecho i no un simpel derecho,
pero un derecho fundamental.
1 awe komunidat di Saba, Statia i Boneiru tin tur motibu pa felisitá USIBO ku den un forma
determinante for di su lantamentu ta kumpliendo kabalmente ku su meta. USIBO no ta
negoshá kondishonnan di trabou. Esei ta responsabilidat di kada sindikato ku tin
representashon na kompanianan, na fundashonnan i/o na gobiêrnu. Ei e sindikatonan
huntu ku gerensia ta negoshá kontratonan kolektivo ku ta konta pa tur trahadó. Ta p'esei
kada biaha mi ta hasi un yamada riba trahadó pa nan afiliá na un sindikato pa asina nan
ta fuerte pará.
USIBO na su turno ta vigilá mas e aspektonan general ku mester ta ankrá den lei pa
asina legalmente e trahadó ta protehá kontra abuso i eksplotashon. Pero tambe USIBO
su meta tapa vigilá ku e prosperidat ku e klase trahadó tambe ta yuda krea ta ser repartí
hustu den forma di salario i otro kondishonnan material di labor. Pa tal rason USIBO ta
lucha pa un mínimo sosial ku ta un entrada stipulá pa lei ku ta konta pa tur hende ku no
por perkurá pa nan propio eksistensia, tin un entrada mínimo pa nan por biba desente,
digno i humanamente. 1 logrando esaki, USIBO ta garantisá esnan ku tin ku kobra
ànderstant, penshun di biuda, penshun di biudo, penshun di huérfano i penshun di behes
tin un entrada digno ku nan por biba trankil for di dje. Ta opvio ku USIBO den esaki ta
animá gobiêrnu, pero tambe otro organisashonnan sosial pa konsientisá i forma nos
hendenan en general pa manehá nan sên na e mihó manera i pa no dispidí esaki na
kosnan sin balor. Pero realisá si ku aki ta trata di dos kos diferente. Unu ta e nesesidat di
e persona pa kua gobiêrnu ta responsabel i e otro tin di haber ku e karakter di e persona
i kon e ta karga su responsabilidat.
Ora logra e mínimo sosial, mesora nos ta garantisá ku esnan ku ta traha lo bai risibí un
entrada ku ta balorá e trabou ku nan ta presta, e asina yamá sueldo mínimo. E sueldo
mínimo ta e salario ku tur trahadó ku tin 21 alia o mas mester kuminsá risibí ora e drenta
traha. No ta nunka e intenshon pa e keda ku e salario mínimo ei henter su karera di
trabou . Su salario lo oumentá a base di diferente faktor. Entre otro dor di un aumento
general, un aumento a base di su prestashon, un adaptashon di su salario na kosto di
bida, un promoshon di funshon , un aumento a base ku e ta sigui forma su mes den su
profeshon i bai dilanti. Tambe e lo por hana un aumento dor di traha ménos ora pero risibí
mesun pago.
Ta den e forma aki USIBO ta planta e palu grandi ku ta duna sombra pa protehá e trahadó
i su famia kontra abusu i eksplotashon i e palu ku ta duna fruta pa e trahadó por piki pa
drecha su kal idat di bida i e tambe por disfrutá di prosperidat ku e ta yuda produsí. Ta
asina USIBO ta balorá e trahadó usando e tres R-nan, esta Rêspêt, Rekonosementu i
Rekompensa hustu pa trabou prestá. Pabien USIBO i sigui ku e bon trabou i ounke
kuantu estorbo tin den kaminda sigui kumpli ku nos lemanan sindikal, esta EL EQUIPO
SIEMPRE GANA I UNION TA FORSA.