Nàchi Willem, konsehero di Union Sindikal Boneriano, USIBO
Sindikalismo na Boneiru parti 12, 27 mart 2023
Un yamada na e klase trahadó pa pensa. Si analisá e kantidat di hende ku a bai vota ta
yega na alrededor di 3978 pa demokrat mas 2902 pa upb mas 2038 pa mpb mas 984 pa
M21 mas 266 pa 1 UPP mas 66 pa URB pa un total di 10234 voto. Mi tin sigur ku 90%, ku ta
9210 persona di e kantidat aki ta trahadó, mama di kas, hèbennan, mama soltera i tata soltero.
Sindikalismo i sigur USIBO su meta ankrá den su statutonan ta bisa ku e ta sali na defensa i
interés di e klase trahadó i su famia. Awor para ketu, pensa pa bo mes i puntra bo mes ta kiko
ta e interés di abo komo trahadó pa ku bo mes i bo famia.
Ora bo ta organisá den un sindikato ta esaki ta e lucha kontinuo ku sindikato ta hiba ku un
partisipashon direkto di abo den dje. Komo miembro di e sindikato bo ta yuda den un reunión
general stipulá e kondishonnan ku bo ta deseá pa e direktiva di e sindikato lucha pe ora e ta
na mesa ku e dunadó di trabou. Kiko e kondishonnan aki ta?
Na promé lugá mester tin un kas di salario na e empresa, den kua tin deskribi e funshonnan
ku tin den e empresa, kiko ta e tareanan mará na e funshon i kiko ta e salario mará na e
funshonnan. Awor e forma ku bo salario ta hinká den otro por ta di e siguiente manera. Bo ta
kuminsá ku un salario i segun bo ta traha a base di bo prestashon ta oumentá bo salario te
ora e yega e máksimo ku ta mará na e funshon. Pues bo ta krese den bo trabou a base di bo
prestashon. Tambe bo sindikato por negoshá pa tur ana tin un oumento di bo salario banda
di e oumento a base di prestashon. Mas aleu e sindikato por negoshá ku pa mantené bo
forsa di kompra, ta adaptá bo salario tur ana na e sifra ku buró di statistik ta saka i ta mustra
kiko e inflashon ta. lnflashon ta ora ku preis di produkto i servisionan subi i ku e ta pone ku
bo por kumpra ménos ku e mesun sèn ku bo tin. E kondishonnan aki nos ta yama
kondishonnan primario i manera boso mes ta mira abo komo trahadó miembro di e sindikato
tin influensha riba dje na memento di negoshá.
1 aki boso mester realisá ku den politika abo komo trahadó ku ta simpatisá un partido èf un
persona, ta bo mes èf den un situashon ideal bo sindikato ta para huntu kubo tin ku negoshá
bo kondishonnan laboral. Ni partido ni kandidate no por negoshá bo kondishonnan laboral.
Antó den sindikato no ta mira koló politiko sine simplemente ta mira abc komo trahadó i
nada mas. Pa sindikato un hende ku ta presta labor, ku ta duna labor tin derecho riba un page
hustu pa e 40 era di trabou ku e ta duna pa asina e por kria su mes i esnan ku ta dependé di
dje. Ora bo ta vota pa un partido politiko bono ta vota pa mehorá bo kondishonnan di trabou
pasobra esei e partido politiko no por ni ta hasi pa abc. Pues awe mi a kompartf ku e motibu
mas importante pa bo djàin un sindikato ta ku abc huntu ku bo kompafieronan di trabou tin
tur influensha pa negoshá bo kondishonnan di trabou. 1 awe mi a papia di e kondishonnan
primario, ku ta e kondishonnan mas prinsipal, esta bo salario. Otro siman lo mi amplia riba e
kondishonnan sekundario ku ta e otro kondishonnan banda di bo salario.