Nàchi Willem, konsehero di Union Sindikal Boneriano, USIBO
Sindikalismo na Boneiru parti 22, 12 yüni 2023
Gerensia di TELBO a aserká mediador pa organisá un referendem bou di trahadónan di
Telbo pa e hana klaridat ta kua sindikato legalmente ta representá e mayoria di e
trahadónan . Ta asina ku trahadónan di Telbo den nan mayoria lo a desafiliá for di nan
sindikato ABVO i a inskribí nan mes komo miembro den e sindikato AFBW i alabes lo a
indiká na gerensia di Telbo pa inmediatamente stàp ku retenshon di kontribushon for di
nan salario na fabor di ABVO. ABVO na su turno lo a informá e trahadónan ku di akuerdo
ku e statutonan nan lo keda miembro registrá te ku fin di e ana aki. Esaki lógikamente a
krea un situashon konfuso pa e gerensia di Telbo. Esaki lo a tuma kontakto ku mediadó
i lo a hasi un petishon pa di akuerdo ku lei, organisá un referendem bou di e trahadónan
pa trese klaridat ken ta e representante legal i komo tal ta kua sindikato lo por bai mesa
i negoshá un kontrato kolektivo pa e trahadónan di Telbo. Pues awor e proseso i
prosedura ta den man di e mediadó kende lo mester publiká ku ta bai tin un referendem
i lo mester invitá sindikato ku kier representá e trahadónan di Telbo pa inskribí i pa fiha
un fecha riba kua lo tene e referendem.
Nos ta yegando fin di yüli, kual ta e fecha ku sekretario di estado di salubridat públiko via
e ofisina di seguro di malesa na islanan BES, esta ZJCN a duna komo deadline pa a
alargá e kontrato ku Bonlab, esta kaminda ZJCN lo a kumpra e servisionan di Bonlab.
Huntu ku e desishon aki a instalá un komishon miksto pa analisá henter e kuido di
laboratorio na Boneiru i pa konsiderá tambe kon Bonlab lo por kontinuá ku su
operashonnan, manera tabata e deseo di tantu Kolegio Ehekutivo komo Konseho Insular.
Aya banda naturalmente e sindikato den representashon di e trahadónan huntu ku e
gerensia di Bonlab lo mester a traha riba un plan sosial pa asina atendé ku
konsekuensianan pa e posishon hurídiko di e trahadónan i salbaguardiá nan derechonan,
pero tambe lucha pa garantisá kontinuashon di trabou . AI fin ai kabo ta trata aki di tata i
mamanan di famia ku mester pone pan riba mesa. Ta di spera ku pronto esnan
responsabel lo duna informashon riba e tema aki, ku de fakto a kousa basta desgustu i
ku hasta a kondusí ku trahadónan mester a tene un akshon pa hana atenshon pa nan
kousa.
Penshonadonan di PCN ta puntra ta ki dia ta paga nan indexering, ya ku pa nan tambe
inflashon a dai nan duru ia afektá nan farsa di kompra. Nos a bin komprondé ku e maneho
di PCN riba e punto aki ta ku si e grado di kobertura di e penshun riba e fecha di 1
sêptêmber ta 11 Oº/o óf mas abou, no ta paga indexering den e alia ku ta sigui. Si e
kobertura ta 114% óf mas tin un sistema pa paga e indexering, pero mester tene kuenta
tambe ku e inflashon no ta pane ku e kobertura ta baha bou di 110%. Kisas ta bon pa
PCN atraves di su kanalnan di informashon por duna un splikashon di nan maneho riba
esaki. Ta bon tambe pa sindikalismo ku ta representá e miembronan afiliá na PCN tantu
esnan aktivo komo esnan ku no ta aktivo mas sali i duna informashon na nan
miembronan. No lubidá ku miembronan ta paga kontribushon i ku mester duna servisio.