Nàchi Willem, konsehero di Union Sindikal Boneriano, USIBO
Sindikalismo na Boneiru parti 16, 24 aprel 2023
Fin di luna di aprel, nos ta selebrá e dia kultural mas grandi di Boneiru , esta Dia di Rincon.
Kultura di kualkier pueblo ta e aglomerashon di tur kos ku huntu ta forma e IDENTIDAT
di un pueblo. 1 e identidat aki di e pueblo boneriano tin kuater piedra ku ta forma su union
ku tur parti di mundu ta gabá. Nan ta nos idioma Papiamentu den kua nos ta komuniká
ku otro nos pensamentunan, pero tambe nos sentimentunan den mas amplio sentido di
palabra. E tres otro sfmbolonan ku ta identifiká nos komo boneriano ta nos himno, nos
bandera i nos eskudo. 1 duars dor di esakinan nos tin nos herensia históriko kultural tantu
tangibel komo intangibel ku a pasa di generashon pa generashon. 1 ta tur esaki nos ta
bai eksponé dia 30 awor pa nos mes, pero tambe pa e miles di bishitantenan ku lo bon
djaleu pa bin selebrá huntu ku nos. Huntu ku e rikesa kultural aki, Boneiru ta ofresé tambe
un naturalesa uniko ku un flora i fauna diversifiká, aire puru i un parke marine ku ta atraé
miles di turista anualmente. Ta esaki ta e fundeshi sólido di nos ekonomia, ku nos mester
perkurá pa e ta duradero i sostenibel, Ta esaki ta atraé invershonistanan ku ta mira un
merkado pa hasi ganashi, pero tambe ta esaki ta e fuente di trabou pa nos hendenan ku
tin derecho di partisipá den e prosperidat ku nos tur ta yuda krea pa asina nos tambe tin
un eksistensia desente i un kalidat di bida digno i humane. P'esei, miéntras nos ta selebrá
dia 30 awor nos IDENTIDAT komo boneriano, laga nos reflehá tambe pa nos ta konsiente
ku ta na nos pa kue tur e oportunidatnan I no sinta man krusá laga otronan pasa nos
dilanti bai ku tur kos, pa despues reklamá.
Dia 1 di mei nos ta selebrá DIA Dl LABOR, e dia ku trahadónan a lanta para i kaba ku
abuso i eksplotashon di e klase trahadó. Trahadónan di awe 2023 hopi biaha nota realisá
kuantu lucha a keda hibá, kuantu lider sindikal a kai sera i hasta a pèrdè nan bida pa na
a sali na defensa die trahadó l logra mihó pago pa trabou i mihó kondishonnan na trabou.
Antó trahadónan awe den aria 2023 mas ku tur hende sa bon bon ku ainda nan ta mal
pagá i ku ainda na sierto kompanianan kondishonnan laboral ta hopi malu. Nan sa bon
ku nan seguridat na trabou, speshalmente den sektor di konstrukshon no ta bon reglá 1
ku hasta ta pone nan salu bida na peliger. Trahadónan den sektor di seguridat tur dia ta
sklama abuso ku ta kometé kontra nan den e sektor aki. Nos a kaba di sali tor di un
akshon di kuater dia na e kompania di gobièrnu Selibon, kaminda e lucha no tabata pa
mas tantu salario, pero netamente a bai pa mustra riba e kondishonnan laboral di ekipo,
material i edifisio ku ta peligrá salu i hasta bida di e trahadó i tambe e lucha a bai pa un
mihó trato di parti di gerensia i hefenan pa ku e ser humano. Pues e lucha sindikal ta
kontinuá, pero pa e lucha aki kontinuá ku éksito trahadónan mester bira mas konsiente
ku forsa di trahadó ta den UNION i no den nada otro, Pues laga 1 di mei awor, DIA Dl
LABOR ta un dia pa kada trahadó I sigur I esun ku ainda no ta konsiente ku e mester ta
den UNION reflehá riba su posishon, riba su kondishonnan komo trahadó. Antó na
liderato sindikal na boso pa duna e ehèmpel. Na 2012 tur lider sindikal a bin huntu I hasta
lidernan di UPAH I a selebrá dia di labor den, UNION Unda boso ta awe 2023.