Nàchi Willem, konsehero di Union Sindikal Boneriano, USIBO
Sindikalismo na Boneiru parti 15, 17 aprel 2023
Nos ta sostené un minimo sosial digno i humane pa Boneiru, Saba i Statia.
Esaki ta un kampaiia agresivo ku UNKOBON den koperashon ku DE GOEDE ZAAK na
Ulanda ta hibando pa pone e preshon nesesario riba gabinete Rutte IV pa awor si stipulá
un minima sosial pa Boneiru, Saba i Statia. Banda di e kampaiia aki miembronan di
Eerste Kamer tambe a pone preshon, eksigiendo minima sosial awor. Den Tweede
Kamer tambe diferente partido no ta komprondé pakiko no por stipulá e minima sosial
entrante 1 di yanüari 2024. Kolegio di Derechonan Humano i Defensor di pueblo
(ombudsman) ketu bai ta pone preshon. Awor e union sindikal di Ulanda, FNV tambe a
laga komprondé ku e kier yuda pone preshon. lgualmente ta e kaso ku Asosashon di
Munisipionan Ulandes(VNG) i tambe gruponan di preshon Divosa i Solidatiteitsaktie. No
lubidá tambe ku UNKOBON tin un kaso den korte kontra estado Ulandes. Tambe mester
bisa ku poko poko pero sigur prensa ulandes tambe ta dunando atenshon na e tema aki
ku tur hende ta mira ku e aktitut di gobièrnu ulandes ta kontra derecho di hende i kontra
di trato igual di nos den Caribe, siendo parti integral di Ulanda. Pues hopi movemento na
Ulanda pa sali na defensa di nos hendenan vulnerabel pa nan por haiia un ànderstant i
penshun di behes na drechi i kuné por stipulá un sueldo minima husto.
Awor nos aki na Boneiru kiko nos ta hasi pa sali pa nos derechonan fundamental ku ta
hasta ankrá den nos konstitushon i rekonosé internashonalmente. Ta nos deber di sali i
mustra kurashi i solidaridat i ku pa nos tambe ta basta di trata nos komo siudadanonan
di segundo, terser i hasta di kuater range. Ta 19 di dèzèmber ultimo Rutte a pidi despensa
pa e aktonan kruel kontra humanidat ku tabata sklabitut, kaminda no a respetá derecho
di hende. Ata ni 4 luna despues, sekretaria di estado ta bin deklará unilateral sin konsultá
ku nos aki na Boneiru ku e ta parker stipulashon di minima sosial. Wèl aiia pasá 5 di mei
USIBO a kordiná un manifestashon popular pasffiko pa manda un seiial kla i raspá ku
mester hasi aigu i minister Carola Schouten a hasi aigu na e ànderstant, na e penshun di
behes i e sueldo minima, pero tur hende ta realisá ku e nota sufisiente pasobra no a hasi
mashá pa tene e gastunan abou, pues nos forsa di kompra no a mehorá i a mantené un
gran kantidat di hende ainda den pobresa.
Meskos ku na Ulanda a forma un koalishon pa protestá aki na Boneiru tur kobradó di
ènderstant, tur penshonado (nan ta mas ku 2 mil), tur trahadó, nan ta sigur 10 mil, tur
miembro di tur e sindikatonan sin distinshon, pues miembronan di AFBW, ABVO,
FEDEBON, NAPB-BES, SIMABO, STRAF, pero tambe miembronan di UNKOBON i
simpatisantenan di tur e 6 partidonan politiko ku a bai elekshon 15 di mart ultimo,
mamanan soltero, hóbennan adulte ku ta bishitá SGB, MBO i FORMA, i yut otro gruponan
sosial i spiritual na Boneiru tur mester bin den un manifestashon di solidaridat huntu ku
esnan ku a saka nan garganta i kabes aya na ulanda pa garantisá ku nos ta defendé nos
derecho konstitushonal den un forma demokrátiko, sin miedo, sin tembla i ku balentia di
un pueblo uni pa un kousa husto.
Laga mundu sa ku nos tambe aki na Boneiru ta sostené un minimo sosial digno i
humane pa Boneiru, Saba i Statia.
1 nos lo djàin e manifestashon di Solidaridat ora nos hafia e yamada ku balentia i
kurashi, pasobra nos ta konsiente ku ta pa defensa di un derecho fundamental di
hende nos ta lucha.